मिस युनिभर्स नेपाल २०२४ को उपाधि सम्पदा घिमिरेले जित्नुभएको छ। बुधबार बेलुका ललितपुरको गोदावरीस्थित सनराइज कन्भेन्सन सेन्टरमा आयोजना भएको फिनालेमा घिमिरेले उपाधि जित्नुभएको हो। आयोजक संस्था ग्लोबल ग्ल्यामरकी प्रमुख संगीता पुरीले ताज पहिर्याइदिनुभएको थियो । अब विजेता घिमिरेले मेक्सिकोमा हुने मिस युनिभर्समा नेपालको प्रतिनिधित्व गर्नुहुनेछ।
फिनालेमा उपाधिका लागि उत्कृष्ट २२ प्रतिस्पर्धीबीच प्रतिस्पर्धा भएकोमा यस वर्षको मिस युनिभर्स नेपालमा स्मृति सिंह फर्स्ट रनरअप, अक्षिता क्षेत्री सेकेन्ड रनरअप, क्यारिन मुर्रे थर्ड रनरअप र सुजल बम फोर्थ रनरअप हुनुभएको छ ।
