बुटवल, असोज ३ गते। नेपालको सौन्दर्य क्षेत्रमा बहुचर्चित कस्मेटिक ब्राण्ड वेलटेन प्रोफेशनलले १ दिने हेयर केयर वर्कसप सम्पन्न गरेको छ । बुलवलमा अवस्थित वेलटेन कस्मेटिक ईन्डष्ट्रिज प्रा.लि.को आयोजनामा सौन्दर्य विज्ञ अनिल दासद्वारा बुटवलमा हेयर केयर वर्कसप सम्पन्न भएको हो ।
वेलटेन कस्मेटिक ईन्डष्ट्रिज प्रा.लि.का प्रबन्ध निर्देशक कृष्णप्रसाद प्रसाईंको अध्यक्षतामा सम्पन्न भएको वर्कसपमा प्रसाईंले वेलटेनका उत्पादनका विशेषताका बारेमा प्रशिक्षार्थीसमक्ष स्पष्ट पार्नुभएको थियो । प्रसाईंले वेलटेनका प्रोडक्टको गुणस्तरमा आफुहरुले कुनै सम्झौता नगरेका कारण हालको बजारमा वेलटेनका प्रोडक्टहरु अत्यधिक रुचाईएकोमा खुशी व्यक्त गर्नुभयो ।
कार्यक्रमा अनिल दासले केराटिन बोटक्स, हेयर स्ट्रेट, प्रोफेशनल हेयर कलर, हेयर टोनिङ प्रिलाइटनिङ लगायतका बारेमा विस्तृत रुपमा जानकारी दिंदै प्रत्यक्ष, व्यवहारिक रुपमै कार्यक्रममा प्रशिक्षण प्रदान गर्नुभएको थियो ।
खुशी ट्रेडिङ, गणपती ईन्टरप्राईजेज, हाम्रो सम्पर्क सप्लायर्स र विनोद जनरल स्टोरको संयोजनमा आयोजित उक्त कार्यक्रममा आउँदै गरेको नेपालीहरुको महान चाड विजयी दशमी तथा तिहारलाई लक्षित नयाँ प्रोडक्टहरु लन्च समेत गरिएको थियो ।
