छालामा प्राकृतिक रूपमै नांगो आँखाले देख्न नसकिने अनगिन्ति छिद्र हुन्छन् । यस्ता छिद्र हुनु कुनै समस्या होइन । तर, यिनै छिद्र निकै नै खुल्दै गएर ठूलो हुनु भने समस्या हो । यो ‘ओपन पोर्स’को समस्या हो । आँखाले देख्न सकिने छिद्र छालामा हुनु पक्कै राम्रो होइन । यसले सुन्दरतामा आँच ल्याउछ । नाक, गाला (चिक बोन), चिउँडो र निधारमा ओपन पोर्सको समस्या बढी देखिन्छ । यस्तो समस्या भएको ब्यक्तिको अनुहारमा एस पि एफ लोसन , फाउन्डेसन , मेक अप लामो समय टिक्दैन ।
यो समस्या बिभिन्न कारणले निम्तिन सक्छ । घाममा बढी काम गर्ने, अनुहारमा बढी बाफ लिने तथा सस्तो केमिकलयुक्त कृमको बढी प्रयोग गर्ने ब्यक्तीहरुमा यो समस्या बढी देखिन्छ । समयमै ध्यान दिएको खण्डमा यसको समाधान भने गर्न सकिन्छ ।
ओपन पोर्सको समस्या समाधानका लागि के गर्ने त ?
- बिहान दैनिक रुपमा निमको फेस वासले मुख धुने
- दिउँसो बाहिर निस्कँदा एस पी एफ ३० को प्रयोग गर्ने
- बेलुकी फेरी फेस वासले मुख धोई टोनरको प्रयोग गरेर मात्र सुत्ने
- हप्तामा १ पटक मुलतानी माटोको फेस प्याक लगाउने जसले ओपन पोर्सलाई टाइट बनाउन मद्दत पुर्याउँछ
- महिनामा १ पटक पार्लर गइ ओपन पोर्सको उपचार गराउँदा अझै राम्रो नतिजा आउँछ
