नेपालको बहुप्रतिष्ठित ब्यूटी एकेडेमी, जूम ब्यूटी एकेडेमीले वृहत् तीज फेष्टिभल २०८१ को आयोजना गर्ने भएको छ । सम्पूर्ण हिन्दु महिलाहरुको विशेष पर्व हरितालिका तीज सभ्य र भव्य तरिकाले मनाउनुपर्छ भन्ने योजना राख्दै जूमले आफ्ना १२ वटै शाखाका सम्पूर्ण कर्मचारी तथा प्रशिक्षार्थीहरुसंग तीज मनाउन लागेको हो ।
यहि भाद्र १२ गते बुधबार, बौद्धस्थित बौद्ध हेरिटेजमा आयोजना हुने कार्यक्रममा चर्चित अभिनेत्री एवं जूम व्यूटि एकेडेमीकी ब्राण्ड एम्बेसेडर केकी अधिकारीको प्रमुख आतिथ्य रहनेछ भने केहि चर्चित कलाकारहरुको समेत उपस्थिती समेत रहनेछ । साथमा कार्यक्रममा जूमका १२ वटै शाखाका कर्मचारी एवं प्रशिक्षार्थीहरुको समेत आकर्षक प्रस्तुतीहरु रहनेछन्।
कार्यक्रममा भर्खरै सम्पन्न भएको ईन्टर ब्रान्च कम्पिटिसनका विभिन्न विधाका विजेताहरुलाई अवार्ड पनि प्रदान गरिने जनाईएको छ । तीज फेस्टिभलमा उत्कृष्ट ३ प्रस्तुतीहरुले आकर्षक पुरस्कारहरु समेत हासिल गर्नेछन् ।
एकेडेमीले हरेक वर्ष तीजको अवसरमा तीज फेष्टिभलको आयोजना गर्दै आएको छ ।
