२१ वर्षीया नेपाली विद्यार्थी मुना पाण्डेको हत्याको अभियोगमा टेक्सस राज्यबाट ५१ वर्षीय बवी सिंह शाहलाई प्रहरीले पक्राउ गरेको छ । पाण्डेको गत शनिबार टेक्ससको हयुष्टनमा हत्या भएको बताइएको छ। पाण्डेको हत्याको अभियोगमा प्रहरीले शाहलाई पक्राउ गरी तस्बिर समेत सार्वजनिक गरेको छ ।
गत सोमबार साँझ ५:३५ बजे हयुष्टन पुलिस डिपार्टमेन्टले ६३६३ वेष्ट एयरपोर्ट ब्लुवर्डमा पाण्डेको शव उनकै अपार्टमेन्टमा फेला पारेको थियो । अपार्टमेन्टको स्टाफले प्रहरीलाई फोन गरेर जानकारी दिएको र सोही जानकारीका आधारमा अपार्टमेन्टमा प्रहरी टोली सोमबार पुगेको जनाइएको छ ।
उनीहरूले गोलीको प्रहारपश्चात निधन भएकी पाण्डेको शव बरामद गरेका थिए । बुधबार मात्र प्रहरीले शङ्कास्पद व्यक्तिको तस्विर सार्वजनिक गरेको र सोही दिन साँझ शाहलाई गिरफ्तार गरेका थिए । नेपाली समुदायका अगुवाहरूले मुनाको न्यायको लागि प्रयास जारी राख्ने र हत्यारालाई अधिकतम सजायको माग गरेका छन् ।
एजेन्सीको सहयोगमा
