काठमाडौं । गजल गायिकाको रुपमा चिनिएकी गायिका निशा देसारको स्वरमा नयाँ गीत सार्वजनिक भएको छ । ‘पाउ हजुरको’ बोलको गीतमा डा.दिलिप कुमार मल्लको शब्द रचना, लक्षु प्रकाश मल्लको संगीत सिर्जना एवं संगीत संयोजन तथा निशा देशारको स्वर रहेको छ ।
सार्वजनिक भएको म्युजिक भिडियोमा ठकुरी वंशको ऐतिहासिक झझल्को दिन खोजिएको छ । भिडियोमा अभिनेत्री बेनिशा हमालले आकर्षक शास्त्रीय नृत्य सहित अभिनय गरेकी छिन् । गीतकार स्वयं डा. दिलिप कुमार मल्ल, सोमराजा शाह, विश्वास सिंह ठकुरी लगायतले अभिनयमा साथ दिएका छन् । भिडियोमा स्वजन रघुबंशीको कोरियोग्राफी रहेको छ भने शेर शाहीले उक्त भिडियोको निर्देशन तथा दिपक गिरीले भिडियो छाँयाकन गरेका हुन् ।
