प्रधानमन्त्री केपी शर्मा ओलीले सार्वजनिक–निजी साझेदारीका रूपमा सञ्चालित गैह्रनाफामूलक काठमाण्डु इन्स्टिच्युट अफ चाइल्ड हेल्थ’ले बाल स्वास्थ्य क्षेत्रमा थालेका कामको प्रगतिबारे जानकारी लिनुभएको छ।
प्रधानमन्त्री ओलीले प्रधानमन्त्री तथा मन्त्रिपरिषद्को कार्यालय, सिंहदरबारमा उक्त संस्थाका अध्यक्ष डा.भगवान कोइराला, राष्ट्रिय योजना आयोगका उपाध्यक्ष प्रा.डा. शिवराज अधिकारीसहितको छलफलमा इच्छाशक्ति भएमा शुरूमा पैसा नभए पनि यस्ता काम अघि बढ्ने रहेछन् भन्ने पुष्टि उक्त संस्थाले पेस गरेको बताउनुभयो। पैसा नभएका बिरामीका लागि पनि सहज उपचार पाउने वातावरण निर्माणका लागि गरिएको प्रयासका लागि संस्थाको प्रशंसा समेत गर्नुभयो ।
सो संस्थाले झापाको दमकमा सुविधा सम्पन्न बाल अस्पताल सञ्चालनमा ल्याइसकेको छ भने काठमाडौंको बुढानीलकण्ठ–७, बाँसबारीमा बाल अस्पताल सञ्चालन गर्न ३० वर्षका लागि ४१ रोपनी जग्गा नेपाल सरकारले भाडामा उपलब्ध गराएको छ।
